संगालोखबर 
सप्तरी । पैसा दोब्बर बनाइदिने भन्दै ठगी गरिरहेको आरोपमा पक्राउ परेका एक जनालाई सप्तरी प्रहरीले आज सार्वजनिक गरेको छ । सप्तरीको तिलाठी कोइलाडी गाउँपालिका-७ का ४४ वर्षीय हनुमानी भन्ने रामबहादुर रजकलाई प्रहरीले पत्रकार सम्मेलन गर्दै सार्वजनिक गरेको हो ।
रजक माथि ठगी तथा आपराधिक विश्वासघात कसुरमा मुद्दा चलाइएको सप्तरी प्रहरीका प्रमुख प्रहरी उपरीक्षक ढकेन्द्र खतिवडाले जानकारी दिए । उनका सम्बन्धमा थप अनुसन्धान भइरहेको प्रहरी उपरीक्षक खतिवडाले बताए ।
Advertisement
अन्य ठगीमा परेका व्यक्तिहरू भए उजुरी दिन समेत उनले आग्रह गरेका छन् । रजकले पहिला सानो रकम लिने र दोब्बर गरिदिने अनि पछि ठूलो रकम लिएर ठगी गर्ने गरेको खुलेको प्रहरीको प्रारम्भिक अनुसन्धानबाट खुलेको छ ।
