नेल्टा धनकुटाको अध्यक्षमा पौडेल निर्वाचित

धनकुटा । नेपाल अंग्रेजी भाषा शिक्षक सङ्घ (नेल्टा) धनकुटाको अध्यक्षमा हरिप्रसाद पौडेल निर्वाचित भएका छन् । ६० औं शाखा विस्तार कार्यक्रमको अवसरमा नेल्टाको नव निर्मित समिति गठन भएको हो ।

समितिको उपाध्यक्षमा दीपक निरौला, सचिवमा नरबहादुर विश्वकर्मा, सह-सचिवमा कला काफ्ले, कोषाध्यक्षमा रमेश पौडेल निर्वाचित भएका छन् । त्यस्तै सदस्यहरूमा ध्रुव पौडेल, श्याम सुवेदी, पारस मगर, टिकाराम कार्की, बद्री बजगाईं र यशोदा सुवेदी निर्वाचित भएका छन् ।

नेल्टा नेपाली अंग्रेजी शिक्षाको विकासका लागि सन् १९९२ मा स्थापन भएको गैरनाफामूलक संस्था हो । सोही अनुसार धनकुटामा पनि नेपाली विद्यार्थी एवम् शिक्षकहरूलाई अन्तर्राष्ट्रिय स्तरको अंग्रजी सुनाई, बोलाई र लेखाइमा गुणस्तर कायम गर्न संस्था स्थापना गरिएको निर्वाचित सचिव विश्वकर्माले जानकारी दिए ।

विशेष गरेर अंग्रेजी शिक्षकहरूको पेशागत विकास गरेर शैक्षिक सुधारमा टेवा पुर्याउने उद्देश्यले संस्था गठन गरिएको उनको भनाइ छ । कार्यक्रममा कोशी प्रदेश सांसद तथा पूर्व मन्त्री निरन राई, शिक्षा विकास तथा समन्वय इकाई धनकुटाका प्रमुख मोहन राई र नेल्टा प्रमुख डा. लक्ष्मण ज्ञवालीको उपस्थित थिए ।

यस्तै पूर्व नेल्टा प्रमुख हेमराज दाहाल, नेल्टा प्रदेशका प्रमुख गुणराज नेपाल, उपाध्यक्ष चेतन निरौला र महासचिव रबिन बराल लगायत जिल्लाका एक सय ११ जना शिक्षकहरूको उपस्थिति रहेको थियो ।