संगालोखबर 
धनुषा । धनुषामा पत्नीको हत्या आरोपमा पति पक्राउ परेका छन् । मिथिला नगरपालिका-३ हरिहरपुरकी ५० वर्षीया रेशमीदेवी बिनको हत्या आरोपमा दशैया मुखिया बिनलाई प्रहरीले पक्राउ गरेको हो ।
प्रहरीका अनुसार बुधबार साँझ घरको शौचालय पछाडि गाडिएको अवस्थामा शव भेटिएको थियो । घरायसी विवादको क्रममा मदिराले लठ्ठिएका दशैयाले पत्नीको हत्या गरेर शव गाडेको प्रारम्भिक अनुसन्धानबाट खुलेको जिल्ला प्रहरी कार्यालय धनुषाले जनाएको छ ।
Advertisement
शव पोस्टमार्टमको लागि प्रादेशिक अस्पताल जनकपुरमा राखिएको छ र घटनाका सम्बन्धमा थप अनुसन्धान थालिएको प्रहरीको भनाइ छ ।
