झापाबाट गाँजा र तीन लाख नगदसहित युवती पक्राउ

झापा । झापामा गाँजा र नगदसहित एक युवती पक्राउ परेकी छन् । बुद्धशान्ति गाउँपालिका-३ बाट चार केजी गाँजा र तीन लाख छ हजार आठ सय ७० नेपाली रुपैयाँ साथै दुई हजार तीन सय भारुसहित २९ वर्षीया दुर्गा धिमाल पक्राउ परेकी हुन् ।

गएराति साढे ११ बजेतिर धिमालको घरमा खानतलासी गर्दा सुत्ने कोठाबाट गाँजा र नगद बरामद भएको प्रहरीले जनाएको छ । गोप्य सूचनाका आधारमा पुगेको प्रहरी टोलीले गाँजा जोख्ने तराजु, ढक, लाइटर, प्याकेजिङ प्लास्टिक, चक्कु, कैँची, अचानो र हतौडा समेत बरामद गरेको छ ।

Advertisement

धिमाललाई इलाका प्रहरी कार्यालय धुलावारीमा राखेर थप अनुसन्धान सुरु गरिएको छ ।