संगालोखबर 
ताप्लेजुङ । तमोर करिडोरमा पेट्रोल पम्प सञ्चालनमा आएको छ । ताप्लेजुङ र पाँचथरबाट इटहरी-विराटनगर जोड्ने सडक खण्डमा बढ्दो सवारीसाधनको चापलाई दृष्टिगत गर्दै पेट्रोल पम्प सञ्चालनमा ल्याइएको हो ।
पाँचथरको कुम्मायक गाउँपालिका-५ स्थित भुल्केमा चार करोडको लगानीमा पेट्रोल पम्प निर्माण गरिएको छ । तमोर करिडोरबाट ताप्लेजुङ स्थित पाथिभरामा जाने आन्तरिक तथा बाह्य पर्यटकलाई लक्षित गरेर पम्प सञ्चालनमा ल्याइएको सञ्चालक सुमन लामाले बताए ।
Advertisement
पम्पमा ३४ हजार लिटर डिजेल र १६ हजार लिटर पेट्रोल भण्डारण गर्न सकिने उनले जानकारी दिए । यसअघि उक्त सडक खण्डमा पेट्रोल पम्प नहुँदा समस्या हुँदै आएको थियो ।
