तेह्रथुम । तेह्रथुमको आठराई गाउँपालिका-४ इवामा रहेको प्रणामी माध्यमिक विद्यालयको नवनिर्मित भवनको प्रधानमन्त्री केपी शर्मा ओलीले उद्घाटन गरेका छन् । हिजो एका कार्यक्रमबीच प्रधानमन्त्री ओलीले १८ कोठे पक्की भवनको उद्घाटन गरेका हुन् ।
प्रधानमन्त्री ओलीले यही विद्यालयमा कक्षा चार सम्म अध्ययन गरेका थिए । कार्यक्रम बोल्दै प्रधानमन्त्री ओलीले आफूले पढेको विद्यालयको भवन उद्घाटन गर्न पाउँदा हर्षित भएको बताए ।
ओम हङ गिल फाउन्डेसन दक्षिण कोरियाबाट चार करोड ४९ लाख ६० हजार, कोशी प्रदेश सरकारबाट २१ लख ४० हजार र आठराई गाउँपालिकाको ६९ लाखको सहयोगमा भवन निर्माण भएको हो ।
ओम हङ गिल फाउण्डेसनका प्रतिनिधिले नेपालमा लगानी गर्न पाउँदा खुसी व्यक्त गरे । सोही अवसरमा विद्यार्थीहरूलाई झोला र स्टेसनरी सामग्री वितरण गरिएको थियो ।