इलाममा रूखको हाँगाले किच्दा एक जनाको मृत्यु

इलाम । इलाममा रुखको हाँगाले लागेर एक जनाको मृत्यु भएको छ । हिजो बिहान ११ः५० बजेको समयमा रुख काट्ने क्रममा हाँगा खसेर लाग्दा देउमाई नगरपालिका-९ जितपुरका ४९ वर्षीय तुलसी जवेगूको मृत्यु भएको हो ।

रुखको हाँगाले लागेर घाइते भएको उनलाई उपचारका लागि झापा स्थित बी एण्ड सी अस्पताल लगिएको थियो । उनको उपचारका क्रममा मृत्यु भएको जिल्ला प्रहरी कार्यालय इलामका प्रहरी निरीक्षक सञ्जीव बोगटीले जानकारी दिए ।

‘रूख काट्ने क्रममा हाँगा खसेर ढाडमा लागेको भनेर स्थानीयले खबर गरे’, बोगटीले संगालोखबरसँग भने, ‘प्रहरी चौकी जितपुरबाट खटिएको प्रहरी टोलीले उद्धार गरेर झापा तर्फ उपचारका लागि पठाएको थियो । हिजो नै बेलुका ४ः५० को समयमा उपचारका क्रममा मृत्यु भयो ।’