संगालोखबर 
ताप्लेजुङ । आजबाट सिरिजंगा गोल्डकपको चौथो संस्करण सुरु हुँदैछ । सिरिजंगा सिंह थेबेको तीन सय २० औँ जन्मजयन्तिको अवसरमा प्रतियोगिता हुन लागेको हो ।
तेल्लोक स्पोर्टिङ क्लबको आयोजनामा आजबाट सुरु हुने प्रतियोगिता मंसिर २९ गते सम्म जारी रहने छ । उद्घाटन खेलमा तेल्लोक स्पोर्टिङ क्लब र साँगुरीगढी एफसी धनकुटाबीच प्रतिष्पर्धा हुनेछ ।
Advertisement
भोलि झापाको न्यु स्टार क्लब र उदयपुरको ब्रदरहुड एफसी बेलकाबीच प्रतिष्पर्धा हुनेछ ।
प्रतियोगिताको विजेता टोलीले नगद दुई लाख ५० हजार पाँच सय ५५ रुपैयाँ र उपविजेताले नगद एक लाख २५ हजार ५५ रुपैयाँसहित ट्रफी, मेडल र प्रमाण-पत्र प्राप्त गर्ने छन् ।
