संगालोखबर 
झापा । झापाको मेचीनगर नगरपालिका-११ तेलिबारीमा बसले ठक्कर दिँदा मोटरसाइकल चालकको मृत्यु भएको छ । पूर्वपश्चिम राजमार्गमा आज दिउँसो करिब साढे १२ बजे बागमती प्र-०१-००६ ख ४९०९ नम्बरको बस र मे १० प ३५७२ नम्बरको मोटरसाइकल ठोक्किएका हुन् ।
ठक्करबाट भद्रपुर नगरपालिका-१० का ५५ वर्षीय किसन न्यौपानेको मृत्यु भएको जिल्ला प्रहरी कार्यालयले जनाएको छ । दुर्घटनामा मोटरसाइकल चालक न्यौपाने गम्भीर घाइते भएका थिए । उनलाई उपचारका लागि बिर्तामोडस्थित बीएण्डसी अस्पताल लगिएको थियो । अस्पताल पुर्याउनासाथ डाक्टरले मृत घोषित गरेका हुन् ।
Advertisement
घटनापछि बस र चालक उदयपुरको चौडण्डीगढी नगरपालिका-६ का ४२ वर्षीय विजयकुमार यादवलाई इलाका प्रहरी कार्यालय धुलाबारीले नियन्त्रणमा लिएको छ ।
