झापामा बोलेरोको ठक्करबाट मोटरसाइकल चालकको मृत्यु

झापा । झापामा बोलेरो गाडीले ठक्कर दिँदा मोटरसाइकल चालकको मृत्यु भएको छ । आज बिहान शिवसताक्षी नगरपालिका-१ स्थित कमल पुलमा बोलेरोले मोटरसाइकललाई ठक्कर दिएको थियो ।

बोलेरोको ठक्करबाट मोटरसाइकल चालक शिवसताक्षी-८ का ३५ वर्षीय ललितबहादुर थापाको मृत्यु भएको प्रहरीले जनाएको छ । बोलेरोको ठक्करबाट गम्भीर घाइते भएका थापाको बीएण्डसी अस्पताल बिर्तामोडमा उपचारका क्रममा मृत्यु भएको हो ।

पश्चिमबाट पूर्वतर्फ जाँदै गरेको प्रदेश १-०१-००१ च ८२२१ नम्बरको बोलेरो र पूर्वबाट पश्चिमतर्फ जाँदै गरेको मे ६ प २५१४ नम्बरको मोटरसाइकल एक आपसमा ठोक्किएर दुर्घटना भएको हो ।

बोलेरो चालक मेचीनगर नगरपालिका– ८ का ३१ वर्षीय विशाल खवासलाई नियन्त्रणमा लिएर थप अनुसन्धान भइरहेको प्रहरीले जनाएको छ ।