उदयपुरमा धारिलो हतियार प्रयोग गरी श्रीमतीको हत्या, टाउको बोकेर हिँड्दै गर्दा श्रीमान पक्राउ

विराटनगर । उदयपुरको त्रियुगा नगरपालिका–६ का ३६ वर्षीय जंगबहादुर घिसिङ तामाङ श्रीमतीको टाउको काटेर बाटोमा हिड्दै गरेको अवस्थामा पक्राउ परेका छन् ।

आज साँझ उनलाई पक्राउ गरिएको जिल्ला प्रहरी कार्यालय उदयपुरका प्रमुख एसपी हरिहरनाथ योगीले संगालोखबरलाई जानकारी दिए । सामान्य घरायसी विवादका क्रममा २८ वर्षीय श्रीमती प्रमिला लामालाई धारिलो हतियार प्रयोग गरेर हत्या गरेको उनले जानकारी दिए ।

एसपी योगीका अनुसार टाउको बोकेर हिँडिरहेको अवस्थामा इलाका प्रहरी कार्यालय जलजलेबाट गस्तिमा खटिएको प्रहरी टोलीले नियन्त्रणमा लिएको थियो । जंगबहादुरलाई नियन्त्रणमा लिएर अनुसन्धान भइरहेको उनले संगालोखबरलाई जानकारी दिए ।