तेह्रथुमबाट जबरजस्ती करणीको अभियोगमा वृद्ध पक्राउ

तेह्रथुम । तेह्रथुमबाट जबरजस्ती करणीको अभियोगमा एक वृद्ध पक्राउ परेका छन् । लालीगुराँस नगरपालिका-१ गैरी टोल बस्ने भोजपुर साल्पासिलिछो गाउँपालिका-५ घर भएका ६० वर्षीय बाङ्ठा भन्ने प्रेम तामाङलाई प्रहरीले पक्राउ गरेको हो ।

उनीमाथि ५६ वर्षीय महिलालाई जबरजस्ती करणी गरेको अभियोग लागेको प्रहरीले जनाएको छ ।

Advertisement

भदौ ३० गते राति जबरजस्ती करणी गरेको भन्ने उजुरीको आधारमा इलाका प्रहरी कार्यालय वसन्तपुरबाट खटिएको प्रहरीले उनलाई पक्राउ गरेको हो । घटनाका सम्बन्धमा थप अनुसन्धान भइरहेको प्रहरीले जनाएको छ ।