उदयपुरमा मृत भेटिए आमाछोरा, हत्याको आशङ्का

उदयपुर । उदयपुरको कटारी नगरपालिका-१० सोरुङ्गछविसेमा आमाछोरा मृत फेला परेका छन् । करिब ४० वर्षीया आमा निर्मला थापा र छोरा ६ वर्षीय आरुस थापा मृत फेला परेका हुन् ।

गएराति उनीहरूको हत्या भएको हुनसक्ने प्रहरीले आशङ्का छ । उनीहरूको शव घरभित्रै फेला परेको जिल्ला प्रहरी कार्यालय उदयपुरका सूचना अधिकारी राजन चापागाईँले जानकारी दिए । ‘बिहानको राति हत्या भएको हुनसक्छ,’ चापागाईँले संगालोखबरसँग भने, ‘अनुसन्धानका लागि प्रहरी टोली घटनास्थल पुगेको छ । अनुसन्धान पछि सबै कुरा खुल्नेछ ।’

Advertisement

श्रीमानले अर्की श्रीमती लिएर हिँडेपछि आमा छोरा मात्र बस्दै आएका थिए । निर्मलाले घरसँगै चिया र मदिरा पसल सञ्चालन गर्दै आएकी थिइन् ।