उदयपुरमा दुर्घटना: एकको मृत्यु, २० जना घाइते

उदयपुर । उदयपुरको चुरे जंगल क्षेत्रमा रहेको सडक खण्डमा ‘विंगर’ गाडी दुर्घटना हुँदा एकजना महिलाको मृत्यु भएको छ । दुर्घटनामा २० जना यात्रु घाइते भएको प्रहरीले जनाएको छ ।

दुर्घटनामा परी उदयपुरको त्रियुगा नगरपालिका–३ की ५० वर्षीया गीता कार्की राउत को मृत्यु भएको हो । गाईघाटबाट सिरहाको लहान जाँदै गरेको ना १ ज ६२७९ नम्बरको विंगर ब्रेक फेल भएर दुर्घटना भएको प्रहरीले जनाएको छ ।

जिल्ला प्रहरी कार्यालय उदयपुरका डीएसपी राजन चापागाईंका गाडीमा सवार २० जना यात्रु घाइते भएका छन् । घाइतेमध्ये चालक र सहचालकको अवस्था गम्भीर रहेकाले उपचारका लागि विराटनगर पठाइएको छ । अन्य घाइतेको जिल्ला अस्पताल गाईघाटमा उपचार भइरहेको छ ।