बोलेरो गाडी दुर्घटना हुँदा दुईजनाको मृत्यु

सिन्धुली । सिन्धुलीमा बोलेरो गाडी दुर्घटना हुँदा दुईजनाको मृत्यु भएको छ । सातजना यात्री घाइते भएका छन् । सिन्धुली तीनकन्याबाट सदरमुकामतर्फ आउँदै गरेको बलेरो कमलामाई नगरपालिका–२ चियाबारीमा दुर्घटना भएको प्रहरीले जनाएको छ ।

बा २० च ८२८३ नम्बरको बोलेरो दुर्घटना हुँदा दुईजनाको घटनास्थलमै मृत्यु भएको हो । मृतकहरूको पहिचान खुल्न बाँकी छ । घाइतेहरूको उद्धार गरी उपचारका लागि सिन्धुली अस्पतालतर्फ लगिएको छ । दुर्घटनापछि बीपी राजमार्ग अवरुद्ध भएको छ । घटनाको विस्तृत विवरण आउन बाँकी छ ।

Advertisement