झापाको बाह्रदशीमा मोटरसाइकलको ठक्करले पैदलयात्रीको मृत्यु

झापा । झापाको बाह्रदशी गाउँपालिका–२ मा मोटरसाइकलको ठक्करले एक पैदलयात्रीको मृत्यु भएको छ । मे ४ प ५१५६ नम्बरको मोटरसाइकलको ठक्करबाट घाइते पैदलयात्री बाह्रदशी–१ नयाँबस्तीका ४२ वर्षीय च्याङ्वा तामाङको आज दिउँसो मृत्यु भएको प्रहरीले जनाएको छ ।

ठक्करले गम्भीर घाइते भएका उनको उपचारका क्रममा बिर्तामोडस्थित बी एन्ड सी अस्पतालमा मृत्यु भएको प्रहरीले जनाएको छ । मोटरसाइकलको पछाडि सवार कचनकवल गाउँपालिका–१ का १९ वर्षीय श्रवण राजवंशी घाइते छन् ।

Advertisement

ठक्कर दिने मोटरसाइकल चालक कचनकवल गाउँपालिका–१ पिण्डलबारीका १९ वर्षीय देवराज राजवंशीलाई प्रहरीले पक्राउ गरेको छ ।