भोजपुरको साल्पासिलिछोमा बाढीले सडक बगाउँदा आवागमन बन्द

भोजपुर । इर्खुवा खोलाको बाढीले सडक क्षतिग्रस्त बनाएपछि साल्पासिलिछो गाउँपालिकामा आवागमन प्रभावित भएको छ । बाढीले गोथेबजारबाट नागदह हुँदै दोभाने, ओसेप्ला, खाम्दाक खण्डको २० किलोमिटर सडक विभिन्न ठाउँमा बगाएको छ ।

Advertisement

गत साताको बाढीबाट पुललगायतका अन्य संरचनामा पनि क्षति भएको प्रहरीले जनाएको छ । बाढीका कारण उक्त पालिकाको वडा ४ मा निर्माणाधीन याक्सा नागदह मोटरेबल पक्की पुल पनि क्षति भएको छ ।

बाढीले सडक बगाउँदा यात्रुहरूलाई आउजाउमा समस्या हुनुका साथै उपभोग्य सामग्री ढुवानी पनि प्रभावित भएको जनाइएको छ ।