भोजपुरः बाढीमा ज्यान गुमाएकाको परिवारलाई प्रदेश सरकारको राहत

भोजपुर । कोशी प्रदेश सरकारले इर्खुवाखोला बाढीबाट मृत्यु भएकाको परिवारलाई राहत प्रदान गरेको छ । साउन १६ गते आएको बाढीले मृत्यु भएका दुईजनाको परिवार र अन्य बाढीपीडितलाई राहत दिइएको हो ।

Advertisement

बाढीले बगाउँदा इर्खुवाखोला जलविद्युत आयोजनामा काम गर्ने मजदुर श्यामकुमार थारू र रमेश थारूको मृत्यु भएको थियो । प्रदेश सरकारको तर्फबाट तत्काललाई मृतक परिवारलाई रु एक–एक लाख हस्तान्तरण गरिएको हो । 

बाढीपीडित पाँच परिवारलाई चालम, दाल, तेल, नुन, कम्बल र त्रिपाल वितरण गरिएको मुख्यमन्त्री तथा मन्त्रिपरिषद् कार्यालयकी राज्यमन्त्री सिर्जना राईले जानकारी दिइन् ।