![](https://sangalokhabar.com/wp-content/uploads/2024/07/aago-dhana.jpg)
धनकुटा । धनकुटाको महालक्ष्मी नगरपालिका–५ स्थित शिवरात्रिमा आगलागी हुँदा तीन घर जलेर नष्ट भएका छन् । आज अपराह्न भएको आगलागीबाट स्थानीय बासिन्दाका घर जलेर नष्ट भएको प्रहरीले जनाएको छ ।
आगलागीबाट स्थानीय यज्ञबहादुर खड्का, श्रीचन्द्र बुढाथोकी र सूर्यबहादुर श्रेष्ठको घर जलेर नष्ट भएको जिल्ला प्रहरी कार्यालय धनकुटाका प्रहरी नायब उपरीक्षक राजबाबु महर्जनले जानकारी दिए ।
नेपाल प्रहरी र स्थानीयको सहयोगमा आगो नियन्त्रणमा आएको छ । क्षतिको विवरण भने आउन बाँकी रहेको प्रहरीले जनाएको छ । आगलागीको कारण खुलेको छैन । घटनाबारे अनुसन्धान भइरहेको प्रहरीले जनाएको छ ।