संगालोखबर 
ताप्लेजुङ । मैवाखोला गाउँपालिकामा भएको ट्याक्टर दुर्घटनामा एकजनाको मृत्यु भएको छ । मैवाखोला गाउँपालिका–२ ढुङ्गेसाँघुका ३५ वर्षीय भीमकुमार तामाङको मृत्यु भएको हो ।
दुर्घटनामा गम्भीर घाइते भएका उनलाई उपचारका लागि धरानस्थित बीपी कोइराला स्वास्थ्य विज्ञान प्रतिष्ठान रेफर गरिएको थियो । त्यसतर्फ लैजाने क्रममा उनको बाटोमै मृत्यु भएको जिल्ला प्रहरी कार्यालयका सूचना अधिकारी प्रहरी निरीक्षक कमल लुंगेलीले जानकारी दिए ।
Advertisement
ढुंगेसाँघुबाट भुसुने जाने क्रममा प्र १–०२–००३ त ९६० नम्बरको ट्याक्टर सडकबाट करिब २० मिटर तल खसेको थियो ।
ट्याक्टर चालक सनबहादुर तामाङ भने सकुशल छन् । उनलाई नियन्त्रणमा लिएर अनुसन्धान भइरहेको प्रहरीले जनाएको छ ।
