संगालोखबर 
सुनसरी । सुनको मुन्द्री खोस्ने प्रयासमा कुटपिट हुँदा सुनसरीको बराहक्षेत्र नगरपालिका–३ का एक बालकको मृत्यु भएको छ ।
प्रहरीका अनुसार स्थानीय ४५ वर्षीय वीरबहादुर विश्वकर्माले कुटपिट गर्दा बिक्रम बिकका ६ वर्षीय छोरा अबि बिकको हिजो साँझ मृत्यु भएको हो ।
Advertisement
मादक पदार्थ सेवन गरेका वीरबहादुरले ती बालकले कानमा लगाएको सुनको मुन्द्री तानेर आफूले लिने प्रयास गरेका थिए ।
त्यस क्रममा बालकले नमान्दा उनले निर्घात कुटपिट गरेको प्रहरीले जनाएको छ । गम्भीर घाइते भएका बालकको धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा मृत्यु भएको हो ।
कुटपिट गर्ने बिकलाई इलाका प्रहरी कार्यालय महेन्द्रनगरको टोलीले पक्राउ गरी थप अनुसन्धान अघि बढाएको छ ।
