सन्तोष सुवेदी/संगालोखबर 
धनकुटा । पाख्रीबासबाट धनकुटा सदरमुकाम आउँदै गरेको कार देब्रेबासमा दुर्घटना भएको छ । पाख्रीबास व्यावसायिक कृषि अनुसन्धान कार्यक्रमको को २ च १३४१ नम्बरको कार दुर्घटना भएको हो ।
Advertisement
प्रहरीका अनुसार जिल्ला प्रशासन कार्यालयमा हुने बैठकमा सहभागी हुन आइरहेका कर्मचारी सवार उक्त कार धनकुटा नगरपालिका–४ देब्रेबासमा २ः२० बजे दुर्घटना भएको हो ।
सडकबाट करिब २५ मिटर तल खसेर स्थानीयको घरको भित्तामा कार ठोक्किएको थियो । कारका चालक मनिषकुमार ठाकुर र कर्मचारीहरु समेत गरी तीनजना सकुशल रहेको प्रहरीले जनाएको छ ।
दुर्घटनामा कारमा सामान्य क्षति पुगेको छ भने घरको भित्तामा पनि असर परेको छ ।
