![](https://sangalokhabar.com/wp-content/uploads/2024/06/child-death-1.jpg)
झापा । झापाको गौरादहमा हिजो साँझ भएको सवारी दुर्घटनामा एकजनाको मृत्यु भएको छ । गौरादह नगरपालिका–१ सितापुरी चोकमा भएको दुर्घटनामा २४ वर्षीय सन्जोक भण्डारीको मृत्यु भएको हो ।
प्रहरीका अनुसार बा ७० प १८४ नम्बरको मोटरसाइकल र मे ६ प ५८१ नम्बरको मोटरसाइकल आपसमा ठोक्किएका थिए । एउटा मोटरसाइकलका चालक भण्डारी र अर्कोका २८ वर्षीय दुर्गा ताजपुरिया घाइते भएका थिए ।
दुवैलाई उपचारका लागि निम्स अस्पताल दमकमा लगिएको थियो । उपचारका क्रममा त्यहीँ भण्डारीको मृत्यु भएको इलाका प्रहरी कार्यालय दमकले जनाएको छ ।
अर्का घाइते ताजपुरियालाई थप उपचारका लागि बिर्तासिटी अस्पताल बिर्तामोड पठाइएको छ । तीव्रगतिका कारण उक्त दुर्घटना भएको उल्लेख गर्दै प्रहरीले थप अनुसन्धान भइरहेको जनाएको छ ।