सोलुखुम्बुका युवक ललितपुरको गेष्ट हाउसमा मृत फेला

सोलुखुम्बु । संखुवासभाका एकजना युवा ललितपुरको गेष्ट हाउसमा मृत अवस्थामा भेटिएका छन् । ललितपुर महानगरपालिका–१७ स्थित ललितपुर गेष्ट हाउसमा आज बिहान २१ वर्षीय जीवन निरौला मृत अवस्थामा भेटिएको प्रहरीले जनाएको छ ।

उनी उक्त गेष्ट हाउसको ११ नम्बर कोठामा बसेका थिए । बिहान ११ः३० बजेसम्म पनि ढोका नखोलेपछि गेष्ट हाउस सञ्चालक सुमन तामाङले झ्याल खोलेर हेर्दा मृत फेला परेपछि प्रहरी वृत्त सातदोबाटोलाई खबर गरेका थिए ।

Advertisement

प्रहरीले घटनास्थलको मुचुल्का गरी शव पोष्टमार्टमका लागि टिचिङ अस्पतालमा पठाएको छ । घटनाको अनुसन्धान भइरहेको प्रहरीले जनाएको छ ।