धनकुटाको सहिदभूमिमा मंगलबार शोक बिदा

धनकुटा । धनकुटाको सहिदभूमि गाउँपालिकाले मंगलबार शोक बिदा दिएको छ । सहिदभूमि–७ का वडा सचिव झनकलाल राईको मृत्यु भएपछि गाउँपालिकाले शोक बिदा दिएको हो ।

सोमबार आकस्मिक बसेको कार्यपालिका बैठकले शोक बिदा दिने निर्णय गरेको गाउँपालिका अध्यक्ष मनोज राईले जानकारी दिए ।

गाउँपालिकाको तर्फबाट प्रमुख प्रशासकीय अधिकृत नविन कार्कीले सोमबार सूचना जारी गरेर पालिका अन्तरगतका सबै वडा कार्यालयहरू, स्वास्थ्य संस्थाहरू, सेवा केन्द्रहरू, शिक्षण संस्थाहरूमा आकस्मिक बाहेकका सेवाहरू बन्द रहने जानकारी दिएका छन् ।