सुनकोशी नदीमा हामफालेका एक पुरुष बेपत्ता

सिन्धुली । सुनकोशी नदीमा हामफालेका एकजना पुरुष बेपत्ता भएका छन् । सिन्धुलीको गोलोन्जर गाउँपालिका–७ सुर्काेट बजार र रामेछाप जोड्ने सुनकोशीको पुलबाट हाम फालेर ती व्यक्ति बेपत्ता भएका हुन् ।

सिन्धुलीको खुर्कोटस्थित इलाका प्रहरी कार्यालयका अनुसार काठमाडौंको बौद्ध निवासी ५६ वर्षीय विष्णुप्रसाद संग्रौला शुक्रबार राति १० बजे पुलबाट हाम फालेका थिए ।

Advertisement

घटनाबारे जानकारी पाएपछि पुगेको प्रहरी टोली र स्थानीय बासिन्दा मिलेर उनको खोजी भइरहेको जनाइएको छ । प्रहरीले उनका आफन्तलाई खबर गरेको जनाएको छ ।