सोलुखुम्बुमा नवजात शिशुको हत्या आरोपमा युवती पक्राउ

सोलुखुम्बु । सोलुखुम्बुको सोलुदुधकुण्डमा नवजात शिशुको हत्या गरेको आरोपमा प्रहरीले एक युवतीलाई पक्राउ गरेको छ । सोलुदुधकुण्ड नगरपालिका–२ की २१ वर्षीया एक युवतीलाई प्रहरीले पक्राउ गरेको हो ।

बच्चा जन्माएपछि ती युवतीले गत आइतबार घरबाट करिब दुई सय मिटर पर रहेको खोल्सामा लगेर पातपतिङ्गरले छोपेर छाडेको प्रहरीले जनाएको छ । उक्त घटनाबारे सूचना पाएर खटिएको टोलीले विश्वकर्मालाई नियन्त्रणमा लिएको थियो । घटनाबारे थप अनुसन्धान भइरहेको प्रहरीले जनाएको छ ।

Advertisement