धनकुटा नगरका कर्मचारीद्वारा वृक्षरोपण

धनकुटा । धनकुटा नगरपालिकाका कर्मचारीहरूले वृक्षरोपण गरेका छन् । विश्व वातावरण दिवसको अवसर पारेर नगरका कर्मचारीहरूले आज बिहान कार्यालय आसपास क्षेत्रमा वृक्षरोपण गरेका हुन् ।

Advertisement

 नगर परिसरमा सरसफाइ गरेर आसपास क्षेत्रमा वृक्षरोपण गरिएको नगरपालिकाका प्रमुख प्रशासकीय अधिकृत दशरथ राईले जानकारी दिए । कर्मचारीहरूले सिरिस र फूल प्रजातिका करिब एक सय वटा बिरुवा रोपेका छन् ।

नगर आसपास क्षेत्रको सौन्दर्यताका लागि फूल फुल्ने प्रजातिका बिरुवाहरू रोपिएको आर्थिक विकास अधिकृत विकास अधिकारीले जानकारी दिए । वृक्षरोपणमा नगरका कर्मचारी, नगर प्रहरी लगायत सहभागि थिए ।