![](https://sangalokhabar.com/wp-content/uploads/2024/05/death-symbolic.jpg)
विराटनगर । विराटनगरस्थित मोरङ जिल्ला कारागारका एकजना कैदीको मंगलबार मृत्यु भएको छ । मोरङको पथरीशनिश्चरे नगरपालिका–१० घर भएका ३९ वर्षीय धनबहादुर थापाको मृत्यु भएको हो ।
मुटुसम्बन्धी समस्या भएका थापा एक्कासि बेहोस भएका थिए । उनलाई तत्कालै उपचारका लागि कोशी अस्पताल लगिएको थियो । त्यहाँ पुर्याएपछि चिकित्सकले उनलाई मृत घोषणा गरेको प्रहरीले जनाएको छ ।
कारागार प्रशासनका अनुसार थापा लागूऔषध मुद्दामा जिल्ला अदालत मोरङबाट दोषी ठहर भइ दुई वर्षको कैद सजाय भोगिरहेका थिए ।