संगालोखबर 
सङ्खुवासभा । माछा मार्ने क्रममा करेन्ट लागेर सङ्खुवासभाको चिचिलामा एक युवकको मृत्यु भएको छ । माछा मार्न करेन्ट लगाउने क्रममा उनी आफैँलाई करेन्ट लागेको थियो ।
प्रहरीका अनुसार करेन्ट लागेर चिचिला गाउँपालिका–२ ज्यामिरेका २४ वर्षीय छेम्बी शेर्पाको मृत्यु भएको हो । ब्याट्री प्रयोग गरी स्थानीय कागुवा खोलामा माछा मार्ने क्रममा उनलाई करेन्ट लागेको थियो । उनको घटनास्थलमै मृत्यु भएको प्रहरीले जानकारी दिएको छ ।
Advertisement
शेर्पाको शव पोस्टमार्टमका लागि जिल्ला अस्पताल खाँदबारी ल्याइएको जिल्ला प्रहरी कार्यालय सङ्खुवासभाले जनाएको छ ।
