अज्ञात समूहद्वारा चितवनमा स्कुल बस आगजनी

चितवन । विद्यार्थी लिन गइरहेको अवस्थामा चितवन, भरतपुरको मंगलपुरमा स्मलहेभन स्कुलको बसमा आज बिहान आगजनी भएको छ ।

Advertisement

पश्चिम क्षेत्रका विद्यार्थी लिन जाँदै गरेको बसलाई ६ जना व्यक्तिले रोकेर चालक र सहचालकलाई बााहिर निकालेर आगजनी गरेको प्रहरीले जनाएको छ । घटनाका बेला बसमा विद्यार्थी भने थिएनन् ।

चनौली बजारदेखि दक्षिण अमृतचोकका विद्यार्थी लिन गइरहेको बा प्र ०६–००१ क ००४५ नम्बरको बसमा उक्त समूहले आगजनी गरेको विद्यालयले जनाएको छ ।

बसमा के कारणले कसले आगजनी गरेको हो भन्ने खुलेको छैन । आगजानी गर्ने समूहको खोजी भइरहेको चितवन प्रहरीले जानकारी दिएको छ ।