कोशी प्रदेशका विभिन्न क्षेत्रमा आज भारी वर्षा हुन सक्ने

विराटनगर । कोशी, बागमती, गण्डकी र लुम्बिनी प्रदेशका कतिपय क्षेत्रमा आज भारी वर्षा हुन सक्ने सम्भावना छ । जल तथा मौसम विज्ञान विभागले ती प्रदेशका केही क्षेत्रमा बिहानेदेखि वर्षा भइरहेको पनि जनाएको छ ।

मौसम पूर्वानुमान महाशाखाले आज बिहान जारी गरेको बुलेटिनमा नेपालमा पश्चिमी वायु, स्थानीय वायु,भारतको बिहार आसपास बनेको न्यून चापीय प्रणालीको समेत प्रभाव रहेको जनाइएको छ ।

अहिले काठमाडौं उपत्यकासहित बागमती, कोशी, मधेश, गण्डकी र लुम्बिनी प्रदेशका केही स्थानहरुमा मेघगर्जन र हावाहुरीसहित मध्यम वर्षा भइरहेको छ ।

आइतबार दिउँसो र राति देशका केही स्थानहरूमा मध्यम वर्षाको सम्भावना रहेको छ। कोशी, मधेस बागमती, गण्डकी र लुम्बिनी प्रदेशका एकदुई स्थानमा भारी बर्षाको समेत सम्भावना रहेको महाशाखाको भनाई छ ।