काठमाडौं । स्याम्पुको डब्बाभित्र राखेर अवैध रुपमा ल्याउँदै गरेको सुनसहित एक जनालाई प्रहरीले नियन्त्रणमा लिएको छ । शुक्रबार ओमनबाट सलाम एयरवेजमा त्रिभुवन अन्तर्राष्ट्रिय विमानस्थलमा अवतरण गरेका सिरहाका निरञ्जन कुमार सिंहलाई १०० ग्राम सुनसहित प्रहरीले नियन्त्रणमा लिएको हो ।
Advertisement
त्रिभुवन अन्तर्राष्ट्रिय विमानस्थल भन्सार कार्यालयले चेकजाँच गर्दा उनको साथमा १०० ग्राम सुन पाइएकाले नियन्त्रणमा लिएको जनाइएको छ । उनले उक्त सुन स्याम्पुको डब्बाभित्र स्याम्पुसँगै मिसाएर ल्याएका थिए ।
