उदयपुर । उदयपुरबाट भरुवा बन्दुकसहित प्रहरीले एक जनालाई पक्राउ गरेको छ । कटारी नगरपालिका–१३ मयाङ्खुका ४० बर्षीय प्रकाश कुमार राना मगरलाई भरुवा बन्दुकसहित प्रहरीले पक्राउ गरेको हो ।
Advertisement
जिल्लामा रहेका अबैध हात हतियार संकलन गर्ने अभियान अन्तर्गत जिल्ला प्रहरी कार्यालय उदयपुर र ईलाका प्रहरी कार्यालय कटारीबाट विशेष सुराकीका आधारमा खटिएको टोलीले मगरलाई भरुवा बन्दुकसहित पक्राउ गरेको हो ।
मगरले आफ्नै घरमा भरुवा बन्दुक लुकाएर राखेका थिए । घटनाका विषयमा थप अनुसन्धान भईरहेको प्रहरीले जनाएको छ ।
