धनकुटा । रङहरुको पर्व होली अर्थात् फागु पूर्णिमा आईतवार (आज) मनाईदैछ । हरेक वर्ष फागुन शुक्ल पूर्णिमाका दिन यो पर्व हर्षोल्लासपूर्वक मनाउने चलन छ ।
हरेक बर्ष बसन्त ऋतुको आगमनसँगै फागु पूर्णिमा मनाईन्छ । फागु पूर्णिमाको आज विशेष दिन हो । खासगरी पहाडी जिल्लाहरुमा आज उल्लासपूर्वक होली मनाइन्छ भने तराइका जिल्लाहरुमा भोलि आर्थात सोमबार विशेष रुपमा यो पर्व मनाइन्छ ।
Advertisement
आपसमा रङ र अबिर दलेर खुसी साटासाट गर्दै मनाइने यो पर्वले बेग्लै धार्मिक, साँस्कृति र सामाजिक महत्व वोकेको छ ।
असत्यमाथि सत्यको विजय भएको उत्सवका रूपमा रङ दलेर होली मनाउने गरिएको धार्मिक मान्यता छ ।
आसुरी शक्तिकी द्योतक होलीकालाई आगोले भष्म गरी सत्यवादी भक्त प्रल्हादको उद्दार भएको धार्मिक कथनसँग जोडेर यो पर्व मनाउने गरेको पाईन्छ ।
