काठमाडौं, २४ कात्तिक । जापानको रेमिट्यान्स कम्पनी सिटी एक्सप्रेस मनी ट्रान्सफर र कोरियन कम्पनीको संयुक्त लगानीमा स्थापित जी मनी ट्रान्सले नोभेम्बर ११, २०१७ बाट आफ्नो सेवा शुरु गर्दैछ ।
Advertisement
दक्षिण कोरिया सरकारले यही जुलाई महिनामा प्राईभेट रेमिट्यान्स कम्पनीबाट सेवा सञ्चालनको लागि आवेदन खुल्ला गरेको थियो । रेमिट्यान्स सेवा सञ्चालनको अनुमतिको लागि थुप्रै कम्पनीहरुले आवेदन दिएकोमा अनुमति प्राप्त गर्ने केही सिमित कम्पनी मध्ये जीमनी ट्रान्स एक हो ।
हाललाई कम्पनीको आन्सान शाखाबाट सेवा सञ्चालन गर्न लागेको जी मनि ट्रान्सले केही दिन मै मोबाइल एपबाट पनि सेवा शुरु गर्ने जनाएको छ ।
कोरियाबाट पठाएको १० मिनेट मै नेपालमा रहेका आफन्तजनहरुले नेपाल अधिराज्यभरका सिटी एक्सप्रेस मनी ट्रान्सफरका ५००० भन्दा धेरै भुक्तानी केन्द्रहरु बाट पैसा पाउन सक्नेछन् ।
