३६ दलको बिजोग : समानुपातिकमा १० हजार मत पनि कटाउन सकेनन् 

विराटनगर । प्रतिनिधि सभा निर्वाचन अन्तर्गत समानुपातिक निर्वाचन प्रणालीतर्फ साना राजनीतिक दलहरूको उपस्थिति निकै कमजोर देखिएको छ । निर्वाचन आयोगले सार्वजनिक गरेको पछिल्लो मत परिणाम अनुसार कूल ३६ वटा राजनीतिक दल १० हजार मत कटाउन असफल भएका छन् ।

आयोगको तथ्याङ्क अनुसार ती ३६ मध्ये २७ वटा दलले ५ हजार मत पनि प्राप्त गर्न सकेनन् । अझ कमजोर प्रदर्शन गर्ने ४ वटा दलको मत संख्या १ हजार भन्दा पनि कम रहेको छ ।

देशभर गणना गरिएको कूल १ करोड ७ लाख ८५ हजार ८७६ सदर मतमध्ये राष्ट्रिय स्वतन्त्र पार्टी ५१ लाख ५७ हजार १३० मतसहित पहिलो स्थानमा रहँदा अन्य साना दलहरू भने निकै पछाडि परेका छन् ।