सुनको मूल्य ५५ सय रुपैयाँ बढ्यो, कति पुग्यो तोलामा ?

विराटनगर । नेपाली बजारमा आज पनि सुनको मूल्य बढेको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला पाँच हजार पाँच सय रुपैयाँले बढेको हो ।

महासङ्घका अनुसार आज सुन प्रतितोला दुई लाख ६७ हजार दुई सय रुपैयाँ कायम भएको छ । सोमबार सुन प्रतितोला दुई लाख ६१ हजार सात सय रुपैयाँमा कारोबार भएको थियो ।

Advertisement

महासङ्घका अनुसार आज पनि चाँदीको मूल्य बढेको छ । आज चाँदी प्रतितोला २० रुपैयाँले बढेर चार हजार दुई सय ५५ रुपैयाँ कायम भएको छ । सोमबार चाँदी प्रतितोला चार हजार दुई सय ३५ रुपैयाँमा कारोबार भएको थियो ।