सुनको मूल्य हालसम्मकै उच्च, कति पुग्यो तोलामा ?

विराटनगर । नेपाली बजारमा सुनको मूल्य हालसम्मकै उच्च भएको छ । आज प्रतितोला सात सय रुपैयाँ बढेर सुनको मूल्य हालसम्मकै उच्च भएको हो ।

नेपाल सुनचाँदी व्यवसायी महासङ्घका अनुसार आज सुन प्रतितोला दुई लाख २३ हजार दुई सय रुपैयाँमा किनबेच भइरहेको छ । शुक्रबार सुन प्रतितोला दुई लाख २२ हजार पाँच सय रुपैयाँमा कारोबार भएको थियो ।

Advertisement

आज चाँदीको मूल्य पनि बढेको छ । महासङ्घका अनुसार आज चाँदी प्रतितोला ७० रुपैयाँले बढेर दुई हजार आठ सय १० रुपैयाँमा कारोबार भइरहेको छ । शुक्रबार चाँदी दुई हजार सात सय ४० रुपैयाँमा कारोबार भएको थियो ।