आन्दोलनपछि कोशी मन्त्रिपरिषद्को पहिलो बैठक, के भयो निर्णय ?

विराटनगर । जेनजी आन्दोलनपछि कोशी प्रदेश सरकारको पहिलोपटक मन्त्रिपरिषद् बैठक बसेको छ । आज बसेको बैठकले पाँच लाख रुपैयाँसम्मका सबै योजना कार्यान्वयन नगर्ने निर्णय गरेको छ ।

यस्तै प्रदेश सरकारले जेनजी आन्दोलनका क्रममा मृत्यु भएकाहरूको परिवारलाई एक लाख रुपैयाँ काजकिरिया खर्च उपलब्ध गराउने निर्णय गरेको आन्तरिक मामिला तथा कानुनमन्त्री तथा सरकारका प्रवक्ता रेवतीरमण भण्डारीले बताए ।

आन्दोलनका कारण भएको भौतिक पूर्वाधार क्षतिको विस्तृत अध्ययन गर्न भौतिक पूर्वाधार मन्त्रालयलाई जिम्मेवारी दिइएको छ । यसको प्रतिवेदन कार्तिक नौ गतेभित्र बुझाउन निर्देशन दिएको छ ।

मुख्यमन्त्री हिक्मतकुमार कार्कीले अहिलेको मुख्य एजेन्डा राष्ट्रिय स्वतन्त्रता र राष्ट्रिय एकता भएको बताए ।