संगालोखबर 
काठमाडौँ । नेकपा एमालेको दोस्रो विधान महाधिवेशन आजबाट ललितपुरको गोदावरीमा सुरु हुँदैछ । गोदावरीस्थित सनराइज हलमा हुने अधिवेशन प्रधानमन्त्री एवं एमाले अध्यक्ष केपी शर्मा ओलीले उद्घाटन गर्नेछन् । बिहान ११ बजेका लागि उद्घाटन कार्यक्रम तय गरिएको छ ।
Advertisement
महाधिवेशनमा सहभागि हुन देशभरबाट प्रतिनिधिहरू राजधानीमा भेला भएका छन् । एमाले प्रचार तथा प्रकाशन विभाग प्रमुख राजेन्द्र गौतमका अनुसार महाधिवेशनमा २ हजार २६ जना प्रतिनिधि सहभागि हुनेछन् ।
तीन दिनसम्म चल्ने महाधिवेशनको पहिलो दिन आज अध्यक्ष ओलीले राजनीतिक प्रतिवेदन पेस गर्ने कार्यसूची छ । सो प्रतिवेदन हिजोको सचिवालय बैठकले पास गरिसकेको छ ।
आजै उपाध्यक्ष विष्णु प्रसाद पौडेलले विधान संशोधन प्रस्ताव र महासचिव शंकर पोखरेलले राजनीतिक प्रतिवेदन पेस गर्नेछन् । निर्वाचन आयोग, लेखा आयोग र अनुशासन आयोगको प्रतिवेदन पनि आजै पेश गर्ने कार्यसूची छ ।
