आज पनि बढ्यो सुनको मूल्य, कतिमा हुँदैछ कारोबार ?

विराटनगर । नेपाली बजारमा आज पनि सुनको मूल्य बढेको छ । तोलामा ६ सय रुपैयाँ वृद्धि भएको सुनले आज पनि नयाँ रेकर्ड कायम गरेको छ ।

नेपाल सुनचाँदी व्यवसायी महासङ्घका अनुसार आज सुन प्रतितोला दुई लाख पाँच हजार नौ सय रुपैयाँमा कारोबार भइरहेको छ । सोमबार सुन प्रतितोला दुई लाख पाँच हजार तीन सय रुपैयाँमा कारोबार भएको थियो ।

Advertisement

आज चाँदीको मूल्य पनि वृद्धि भएको छ । आज तोलामा १५ रुपैयाँ बढेर चाँदी दुई हजार चार सय ८५ रुपैयाँमा कारोबार भइरहेको छ । सोमबार चाँदी दुई हजार चार सय ७० रुपैयाँमा कारोबार भएको थियो ।