संगालोखबर 
विराटनगर । अविरल वर्षापछि आएको बाढी र पहिरोका कारण कोशी, मेची र तमोर करिडोरसहित देशभरका ६ वटा राजमार्ग पूर्णरूपमा अवरुद्ध भएका छन् ।
नेपाल प्रहरीले आज बिहान ९ बजे जारी गरेको सूचना अनुसार संखुवासभास्थित कोशी राजमार्ग, पाँचथरस्थित मेची राजमार्ग र तमोर करिडोर सडक खण्ड पूर्णरूपमा अवरुद्ध छन् ।
Advertisement
यसैगरी गण्डकी प्रदेशमा नवलपरासी पूर्वको कालिगण्डकी करिडोरमा अवरोध छ । लुम्बिनी प्रदेशमा रोल्पाको सहिद राजमार्ग र कर्णाली प्रदेशको रुकुम पश्चिमस्थित जाजरकोट डोल्पा भेरी करिडोर सडक खण्ड पूर्णरूपमा अवरुद्ध छन् ।
प्रहरीले जारी गरेको सूचना अनुसार अन्य पाँचवटा सडक खण्ड एकतर्फी सञ्चालन भइरहेका छन् ।
