आज पनि बढ्यो सुनको मूल्य, कति पुग्यो तोलामा ?

विराटनगर । आज पनि नेपाली बजारमा सुनको मूल्य बढेको छ । बुधबार नौ सय रुपैयाँले बढेको सुनको मूल्य आज तीन सय रुपैयाँले बढेको हो ।

नेपाल सुनचाँदी व्यवसायी महासङ्घका अनुसार आज सुन प्रतितोला एक लाख ७० हजार सात सय रुपैयाँमा कारोबार भइरहेको छ । बुधबार सुन प्रतितोला एक लाख ७० हजार चार सय रुपैयाँमा कारोबार भएको थियो ।

Advertisement

आज चाँदीको मूल्य पनि बढेको छ । बुधबार प्रतितोला एक हजार नौ सय ५० रुपैयाँमा कारोबार भएको चाँदी आज प्रतितोला एक हजार नौ सय ८५ रुपैयाँमा कारोबार भइरहेको छ । यो बुधबारको तुलनामा ३५ रुपैयाँ महङ्गो हो ।