ताप्लेजुङमा सर्पले डस्दा एक जना घाइते

ताप्लेजुङ । ताप्लेजुङको फुङलिङ नगरपालिका-२ मा सर्पले डस्दा एक जना घाइते भएका छन् । हान्द्रुङ स्थित कोठामा बस्दै आएका भारतको कोलकाता घर भएका १९ वर्षीय आर्फत आलीलाई सर्पले डसेको हो ।

सानिमा हाइड्रो पावरमा काम गर्ने उनलाई नाम नखुलेको सेतो रङको सर्पले दाहिने खुट्टामा डसेको प्रहरीले जनाएको छ ।

जिल्ला प्रहरी कार्यालय ताप्लेजुङका सूचना अधिकारी एवं प्रहरी निरीक्षक विवेश बस्नेतका अनुसार आलीलाई हिजो दिउँसो हाइड्रो पावरबाट काम गरी कोठा फर्कने क्रममा सर्पले डसेको थियो । उनको जिल्ला अस्पताल ताप्लेजुङमा उपचार भइरहेको र अवस्था सामान्य रहेको बस्नेतको भनाइ छ ।