सन्तोष बास्तोलाको निर्देशनमा ‘भन तिमीले के पायौ’ को भिडियो सार्वजनिक

विराटनगर । गायक समिर विकको नयाँ म्युजिक भिडियो ‘भन तिमीले के पायौ’ सार्वजनिक भएको छ । पूर्वाञ्चल म्युजिक नामक युट्युब च्यानलमार्फत रिलिज भएको म्युजिक भिडियोमा बरिष्ठ कलाकार नरेन्द्र सेन्दाङ र जेनी सेनको मुख्य भूमिका छ ।

सहायक भूमिकामा हुसेन शेख रहेका छन् । प्रेम र प्रेममा पाएको धोका विषयमा आधारित यो म्युजिक भिडियोलाई पत्रकार तथा निर्देशक सन्तोष बास्तोला (अशिक कुमार)ले निर्देशन गरेका हुन् ।

झापा जिल्लाको दोमुखा क्षेत्रको रमणीयस्थलमा भिडियो छायाङ्कन गरिएको छ । निर्देशक बास्तोलाका अनुसार भिडियोले राम्रो प्रतिक्रिया पाइरहेको छ । अमेरिकामा बसोबास गर्ने कलाकार सेन्दाङले नेपाल आएको मौकामा म्युजिक भिडियोमा काम गरेका हुन् ।

गायक बिक हाल रोजगारीको सिलसिलामा साउदी अरबमा छन् । उनले दुई दर्जन बढी गीत गाइसकेका छन् । भिडियोका छायाङ्कन सन्तोष रजकले गरेका हुन् ।