पाथीभरामा एक महिनामा ४१ लाख भेटी सङ्कलन

ताप्लेजुङ । ताप्लेजुङको पाथिभरा मन्दिरमा एक महिनाको अवधिमा ४१ लाख बढी भेटी सङ्कलन भएको छ । पाथीभरा क्षेत्र विकास समितिका अनुसार मंसिर महिनामा ४१ लख १७ हजार रुपैयाँ भेटी सङ्कलन भएको हो ।

सङ्कलित रकम नेपाल बैँक लिमिटेड ताप्लेजुङ शाखामा जम्मा गरिएको समितिले जनाएको मंसिर महिनामा २१ हजार एक सय ८० जनाले पाथिभराको दर्शन गरेका समितिका कार्यकारी निर्देशक प्रजिन हाङबाङले जानकारी दिए । समितिले प्रत्येक महिनाको भेटी सार्वजनिक गर्दै आएको छ ।

पाथीभरामा दैनिक भक्तजनको भीड लाग्ने गरेको छ । चिताएको कुरा पूरा हुने धार्मिक विश्वासका साथ देश तथा विदेशबाट भक्तजन आउने गरेका छन् । यस्तै क्षेत्र विकास समितिले पाथीभरालाई विश्व सम्पदा सूचीमा समावेश गर्न आवश्यक पहल अघि बढाउने भइएको छ ।