संगालोखबर 
विराटनगर । यू-१९ महिला एशिया कम क्रिकेटमा नेपालले विजयी सुरुवात गरेको छ । आज मलेसियाको क्वालालम्पुरमा भएको खेलमा पाकिस्तानलाई ६ विकेटले हराउँदै नेपालले विजयी सुरुवात गरेको हो ।
पाकिस्तानले दिएको एक सय पाँच रनको लक्ष्य नेपालले १९ ओभरमा चार विकेट गुमाएर भेट्टाएको थियो । नेपालकी कप्तान पूजा महतोले नटआउट ४७ रन बनाइन् ।
Advertisement
टस जितेर पहिला ब्याटिङ गरेको पाकिस्तानले २० ओभरमा पाँच विकेट गुमाउँदै एक सय चार रन बनायो । पाकिस्तानकी कोमल खानले ३८ रन बनाइन् भने नेपालकी कप्तान महतोले दुई विकेट लिइन् । नेपालले समूह चरणको अन्तिम खेलमा भोलि भारतसँग खेल्नेछ ।
