लगातार बढ्न थाल्यो सुनको मूल्य, कतिमा हुँदैछ कारोबार ?

विराटनगर । आज पनि सुनको मूल्य बढेको छ । आज सुन तोलामा नौ सय रुपैयाँले बढेको हो । आज सुन तोलामा एक लाख ६३ हजार रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

हिजो सुन तोलामा एक लाख ६२ हजार एक सय रुपैयाँमा कारोबार भएको थियो । सोमबार सुन तोलामा एक लाख ६१ हजार रुपैयाँमा कारोबार भएको थियो ।

आइतबार सुन तोलामा एक लाख ६० हजार रुपैयाँमा कारोबार भएको थियो । आज चाँदीको मूल्य घटेको छ । महासङ्घका अनुसार चाँदी तोलामा पाँच रुपैयाँले घटेर एक हजार नौ सय ५० रुपैयाँमा कारोबार भइरहेको छ । हिजो चाँदी एक हजार नौ सय ५५ रुपैयाँमा कारोबार भएको थियो ।