सुनको मूल्यले राख्यो पुनः नयाँ रेकर्ड, कति पुग्यो तोलामा ? 

विराटनगर । आज सुनको मूल्यले पुनः नयाँ रेकर्ड बनाएको छ । आज तोलामा तीन सय रुपैयाँ बढेर सुनको मूल्य अहिलेसम्मकै महँगो भएको हो ।

नेपाल सुनचाँदी व्यवसायी महासङ्घका अनुसार आज सुनको मूल्य तोलामा एक लाख ६५ हजार नौ सय रुपैयाँ कायम भएको छ । हिजो सुन तोलामा एक लाख ६५ हजार छ सय रुपैयाँमा कारोबार भएको थियो ।

Advertisement

यस्तै आज चाँदीको मूल्य पनि बढेको छ । आज पाँच रुपैयाँले बढेर चाँदीको मूल्य तोलामा दुई हजार एक सय रुपैयाँ कायम भएको महासङ्घले जनाएको छ । हिजो चाँदी तोलामा दुई हजार ९५ रुपैयाँमा कारोबार भएको थियो ।